Беларускія рэперы праводзяць свой фэст. Без Сярогі

Сяргей Нятрэба, www.udf.by

Беларускія выканаўцы рэп-музыкі вырашылі правесці свой фэст і аб’яднацца па моўным прызнаку – прымаецца толькі чытка на беларускай мове. Самага вядомага беларускага рэпера Сярогу ў шэрагі ўдзельнікаў фэсту не прынялі. Гамельчук чытаць на сваёй мове не хоча.

У фэсце возьмуць удзел яркія прадстаўнікі айчыннай хіп-хоп культуры - Lunclan, PANaNieba, Вожык. Хэдлайнерам заяўлены Vinsent. Яго альбом "Пачатак" у 2009 годзе стаў сапраўдным адкрыццём у беларускай рэп-музыцы, а кліп на песню "Восеньскі вальс" быў названы лепшым музычным відэа году.

Кожны з выступоўцаў рыхтуе свой сюрпрыз. Так, напрыклад, рэпер Вожык прадставіць трэк "Амерыка скрозь", што быў запісаны пры ўдзеле амерыканскага рэпера Popa Chief. Прадстаўнікі рэп-фармацыі M.U.Skool гурт Lunclan з Лунінца прадставяць свае новыя песні, а Vinsent плануе зняць падчас свайго выступа канцэртнае відэа.

Пэўна самага вядомага беларускага рэпера Сярогу ў гэтую кампанію не ўзялі. Гамельчук чытаць на сваёй мове не хоча, тлумачыць гэта тым, што яго спевы на беларускай мове будуць выглядаць на клаўнаду.

Фэст беларускага рэпу пройдзе ў Мінску 7 мая ў клубе "Рэактар".

поделиться

Новости по теме

Новости партнёров