«Аліса» зноў збіраецца ў Мінск

Сяргей Нятрэба, партал навінаў www.UDF.BY

Калі ў Мінску з’явіліся афішы з запрашэннем на канцэрт расійскіх рок-зорак – гурта "Алиса" іх беларускія прыхільнікі ўздыхнулі з палёгкай. Пасля мінулага канцэрта ў беларускай сталіцы была засцярога, што Кінчаў з камандай больш сюды не прыедуць.

Тады міністэрства ўнутраных спраў Беларусі звярнулася ва ўпраўленне культуры Мінгарвыканкама з тым, каб не дазваляць больш выступы "Алисы". Прычына ў парушэннях тэхнікі бяспецы (гурт актыўна выкарыстоўвае вагнявыя спецэфекты), а таксама з складанасцямі ў забеспячэнні парадку падчас канцэрту – "алісаманы" ў кожным горадзе славяцца сваёй надзвычайнай эмацыйнасцю.

Тым не менш канцэрт "Алисы" у Мінску ўсё ж адбудзецца. Пройдзе ён 22 лістапада ў клубе "Рэактар", хоць гурт звычайна выступае ў залях у 5-10 разоў большых па памерах. Як тлумачаць мінскія арганізатары канцэрта, прапанова зладзіць прэзентацыю ў клубным фармаце сыходзіла ад іх. "Найперш таму што чым большая заля, тым большая эканамічная рызыка, а ў Мінску ўвосені і так нямала канцэртаў знакамітых музыкантаў. Па-другое, узгадненняў такая заля вымагае менш, таму відаць і дазволілі", - тлумачыць адзін з арганізатараў Антон Сасноўскі. Расійскі гурт спачатку адмоўна паставіўся да такой прапановы, але калі даведаўся, што ў Мінску нядаўна гасціў Стынг ды пазнаёміўся з самой пляцоўкай, даў згоду.

Цікава, што падчас канцэрту ў Полацку сярод просьбаў да мясцовых арганізатараў з боку Кінчава была адна даволі спецыфічная – зладзіць сустрэчу з Архіепіскапам Полацкім Феадосіем. Сам рок-музыкант з'яўляецца актыўным прыхільнікам ідэі праваслаўя, улетку ён нават быў уключаны ў склад Патрыяршай рады па культуры, якую ўзначальвае патрыярх Маскоўскі і ўсёй Русі Кірыл. Просьбаў зладзіць сустрэчу з кімсьці з беларускіх рэлігійных дзеячаў да арганізатараў канцэрту 22 лістапада пакуль ад яго не было.

Кінчаў намагаецца спыніць сутычку сваіх прыхільнікаў з міліцыянтамі:

поделиться

Новости по теме

    Placebo можа заехаць у Мінск

    Канцэрт брытанскіх зорак у Мінску 19 верасня, які пачаў ужо анансавацца ў сеціве, адменены. Але арганізатары не губляюць надзеі прывезці Placebo у Беларусь.подробности

Новости партнёров