Experty.by назавуць лепшыя альбомы

Сяргей Нятрэба, партал навінаў www.UDF.BY

Трэцяя па ліку прэмія пройдзе 1 сакавіка. Беларускія і замежныя крытыкі назавуць лепшыя беларускія альбомы 2010 году. У асноўных намінацыях на перамогу прэтэндуюць "Дзецідзяцей" і "Нейра дзюбель".

Галоўныя альбомы году будуць названыя па чатырох розных версіях. Барацьба за званне лепшага па версіі штатных экспертаў разгорнецца паміж працамі "Рух" гурта "Дзецідзяцей" і "Афтары правды" гурта "Нейра дзюбель". Гэтыя ж дыскі лідзіруюць у намінацыі "Прыз вялікага журы", лёс якога вырашаюць 12 беларускіх крытыкаў.

Лепшы альбом будзе названы і па версіі замежных крытыкаў – з тых краінаў, якія мяжуюць з Беларуссю. Чацвертая версія – "Прыз народных экспертаў", дзе адзнакі выстаўляюць наведвальнікі сайту Experty.by

Таксама будзе названы "Лепшы дэбютны альбом", "Лепшы рок-альбом", "Лепшы фольк-альбом", "Лепшы беларускамоўны альбом" і "Лепшы рэкорд-лэйбл". Ад намінацыі "Лепшы поп-альбом" сёлета вырашана было адмовіцца. Як кажа кіраўнік праекту Experty.by Зміцер Безкаравайны, ніводны беларускі поп-выканаўца не запісаў у 2010 годзе якасны прадукт - усе выдадзеныя працы атрымалі нізкія адзнакі.

Прэмія праходзіць ужо ў трэці раз. У 2009 годзе лепшым альбомам па версіі штатных экспертаў і вялікага журы быў названы дыск The Toobes "Hello". "Прыз замежных экспертаў" атрымаў альбом Port Mone "Dip", "Прыз народных экспертаў" - "ViaVanilla" гурта Cherryvata.

У 2008 годзе штатныя эксперты прызналі за лепшую працу этна-трыё "Троіца" – "Сон-трава", вялікае журы назвала "Маніфест" гурта "Ляпіс Трубяцкой", а замежныя эксперты – дыск "Жавароначкі" ад гурта "Джамбібум".

поделиться

Новости по теме

    Experty.by назвалі лепшыя альбомы

    Перамогу ў чатырох з дзевяці намінацыях, у тым ліку "Лепшы альбом" атрымаў гурт "Дзецідзяцей", які ўжо не існуе. Каманда Ганны Хітрык не пакінула аніякіх шанцаў гурту Neuro Dubel.подробности

Новости партнёров