Польскага пасла ўзялі ў клуб абраных

Сяргей Нятрэба, www.udf.by

Пасля сустрэчы з міністрам культуры Польшчы яго беларускі калега Павел Латушка паведаміў, што амбасадар Польшчы Генрык Літвін прыняты ў шэрагі клуба беларускамоўных паслоў.

Сам польскі амбасадар ад часу свайго прызначэння ў лютым у 2006 году прамаўляў на афіцыйных мерапрыемствах па-руску, але з нядаўняга часу стаў усё часцей карыстацца беларускай мовай.

Пасля яго прамовы падчас сустрэчы міністраў культуры Беларусі і Польшчы Павел Латушка прадставіў яго як новага сябра клуба беларускамоўных амбасадараў. Беларускі міністр зазначыў, што ў гэты клуб ужо ўваходзяць украінскі пасол Ігар Ліхавы, літоўскі пасол Эдмінас Багдонас, а ўзначальвае клуб амбасадар Швецыі Стэфан Эрыксан, у якога і паўстала ідэя стварэння такой нефармальнай дыпламатычнай суполкі.

Патэнцыйна ў яе маглі ўвайсці і былыя амбасадары такіх краінаў, як ЗША, Вялікабрытанія, Ізраіль, якія падчас свайго знаходжання тут мэтанакіравана вучылі беларускую мову. Брытанскі дыпламат Найджэл Гулд-Дэвіс наймаў рэпетытара, амерыканка Карэн Сцюарт вучыла мову па песнях беларускіх выканаўцаў, а экс-пасол Ізраіля Зееў Бен-Ар’е настолькі дасканала вывучыў беларускую, што стаў першым перакладчыкам твораў Васіля Быкава на іўрыт.

А вось амбасадар нібы братэрскай краіны – Расіі Аляксандр Сурыкаў да беларускай мовы ставіцца з прахалодай. У адрозненне ад іншых дыпламатаў, ён праігнараваў летась агульнабеларускую дыктоўку і прызнаваўся ў няведанні мовы краіны, дзе ён працуе.

поделиться

Новости по теме

Новости других СМИ

Комментарии временно отключены в связи с обострением общественно-политической ситуации в Беларуси. Мера направлена на предотвращение провокаций — во избежание нарушения наших правил комментирования. Мы планируем вернуть возможность комментирования после урегулирования ситуации в стране.

Дорогие читатели, приносим свои извинения за неудобства! Вы по-прежнему можете вести дискуссии на страницах UDF.BY в соцсетях. Подписывайтесь на нас в Facebook, «ВКонтакте» и Twitter!