Выйшаў новы альбом Лявона Вольскага "Грамадазнаўства"

UDF.BY

Лявон Вольскі прэзентаваў новы поўнафарматнік "Грамадазнаўства". Пра гэта паведамляе 34mag.net.

Альбом пад назвай "Грамадазнаўства" больш нагадвае аўтаматную чаргу, кулі якой б’юць па нашых комплексах, страхах і надзеях. Гэтая плытка адначасова падаецца нам данінай павагі фанатам старога N.R.M. і тлустай рысай, якую Вольскі падводзіць пад прывідным беларускім "сёння".

"Я думаю, што скончыўся час кампрамісаў, – кажа Вольскі. – Час гандлю, прымання ўмоваў гульні, унутранага цэнзара і лавіравання. Сышоў час эзопавай мовы, схаваных сэнсаў і чытання паміж радкамі. Хацелася выказацца проста і ясна".

Гэты альбом пісаўся на віленскай студыі Ymir Audio. За музычны складнік "Грамадазнаўства" адказваў нарвежскі музыка-мультыінструменталіст і саўнд-прадзюсар Снорэ Бэргэруд, таму, на меркаванне Вольскага, "гук атрымаўся “нетутэйшым”, скандынаўскім".

"Снорэ працаваў у жанры манументалізму, – каментуе Вольскі гучанне кружэлкі. – Я не магу вылучыць з альбома нейкую адну “найбольш удалую” песню. Яны там усе як камяні ў брукаванцы".

Спампаваць альбом можна на "Пяршаку" цалкам бясплатна.

Пра тое, у якіх умовах ствараўся альбом, можна прачытаць у інтэрв'ю Вольскага.

Новости по теме

    Барадулін упадабаў альбом Вольскага

    Адным з першых, хто пачуў новую праграму Лявона Вольскага "Белая яблыня грому", стаў Рыгор Барадулін. Народны паэт Беларусі, чый верш і даў назву дыску, асабліва ўразіўся рэп-прачытаннем твора Францішка Багушэвіча.подробности

Новости других СМИ