На "Гродна Азот" адбыўся выбух, пацярпелі 2 чалавекі

"Еўрапейскае радыё для Беларусі"

Выпадак здарыўся у двухпавярховым будынку станцыі дыягностыкі і тэхнічнага абслугоўвання, дзе знаходзілася кацельная.

У той момант 54-гадовая прыбіральшчыца спальвала ў катле смецце. Яна атрымала цяжкія апёкі 70% цела і знаходзіцца ў вельмі цяжкім стане.

Пацярпеў таксама 25-гадовы рабочы. У яго апёкі твару, рук, шыі, галавы, грудной клеткі. Яго стан называюць цяжкім.

Мяркуецца, што кацёл выбухнуў з-за таго, што ў ім не цыркулявала вада. А здарылася гэта з-за парушэння яго эксплуатацыі.

Расследаванне праводзіць пракуратура.

поделиться

Новости по теме

Новости партнёров