Аўтару песні для "3+2" не заплацілі

Сяргей Нятрэба, партал навінаў www.UDF.BY

Паэт і дырэктар выдавецтва "Мастацкая літаратура" Віктар Шніп паскардзіўся на тое, што тэлеканал ОНТ не заплаціў яму ганарар за песню для гурта "3+2".

Беларускамоўная версія песні Far Away пад назвай "Анёлы" разглядалася ў якасці аднаго з варыянтаў прадстаўлення Беларусі на конкурсе "Еўрабачанне". Паэт сціпла ацаніў сваю працу над беларускім тэкстам у 100 000 беларускіх рублёў (каля 33 долараў ЗША). "Анёлаў" прынялі і запісалі.

"Не паспеў я добра пашкадаваць, што так слаба ацаніў сваю працу, як стала вядома з друку, што з’явіўся расіянін Макс Фадзееў, які абяцаў для гурта "3+2" напісаць новую песню за некалькі соцень тысяч даляраў. І напісаў пра матылькоў", - піша Віктар Шніп. У выніку песню "Анёлы", як і англійскамоўны варыянт, адклалі, а паэту ганарар не заплацілі.

Віктар Шніп судзіцца з тэлеканалам не збіраецца. Кажа, што прэтэнзій не мае. Проста яму шкада таго, што "Анёлы" маглі ўзляцець куды вышэй за "Матылькоў".

поделиться

Новости по теме

Новости партнёров