Беларускі рэпер падтрымае "бандэраўцаў"

Сяргей Нятрэба, партал навінаў www.UDF.BY

Выканаўца Vinsent заяўлены хэдлайнерам фестываля "Бандэрштат". Мерапрыемства ладзіцца штогод у мястэчку Ракіні, што ў 15 кіламетрах ад Луцку ў гонар кіраўніка Арганізацыі ўкраінскіх нацыяналістаў Сцяпана Бандэры.

Беларусы ўжо другі раз удзельнічаюць у фэсце "Бандэрштат", што ладзіць усеўкраінская моладзевая арганізацыя "Нацыянальны альянс". Летась тут граў гурт Mauzer. Не ўсе прыхільнікі беларускай музыкі з разуменнем паставіліся да ўдзелу музыкантаў у гэтым фестывалі. Асоба лідэра ўкраінскіх нацыяналістаў, які заклікаў да ўзброенага змагання за незалежнасць, дагэтуль выклікае вострыя спрэчкі як у самой Украіне, так і па ўсім свеце, хоць на загад Віктара Юшчанкі Бандэра быў прызнаны нацыянальным героем краіны.

"Я выступаю найперш як музыкант, без лозунгаў і прамоваў, але ідэю арганізатараў, вядома ж, падтрымліваю, - кажа рэпер. – Украінская паўстанцкая армія змагалася супраць НКУС і камуністаў-партызан, таму я на іх баку. Падобнае было і на тэрыторыі Беларусі, і мы маем сваіх герояў, такіх як Міхал Вітушка. Таму і ў Беларусі раней ці пазней будуць такія фестывалі, гэтага не пазбегнуць".

Акрамя музычнай сцэны ўдзельнікаў фестывалю чакаюць сустрэчы з ветэранамі Украінскай Паўстанцкай Арміі і вядомымі грамадскімі і культурнымі дзеячамі, літаратурная сцэна і шэраг гістарычных лекцыяў.

Беларускі рэпер выйдзе на сцэну 7 жніўня ў 22.20.

поделиться

Новости по теме

Новости других СМИ

Комментарии временно отключены в связи с обострением общественно-политической ситуации в Беларуси. Мера направлена на предотвращение провокаций — во избежание нарушения наших правил комментирования. Мы планируем вернуть возможность комментирования после урегулирования ситуации в стране.

Дорогие читатели, приносим свои извинения за неудобства! Вы по-прежнему можете вести дискуссии на страницах UDF.BY в соцсетях. Подписывайтесь на нас в Facebook, «ВКонтакте» и Twitter!