Топ-10 цікавых прыкладаў беларускай рэкламы

"Белсат"

Праз тое, што па-беларуску афармляюць тавары пераважна замежныя фірмы (за што ім – вялікі дзякуй!), без памылак абыходзіцца рэдка. Праўда, і айчынныя вытворцы далёка не заўсёды могуць і хочуць пахваліцца веданнем роднай мовы.

Як паказвае практыка, у гіпермаркеце беларускамоўныя надпісы часцей за ўсё прысутнічаюць на імпартовых прадуктах харчавання. Замежных вытворцаў, якія пішуць па-беларуску, можна падзяліць на тры групы.

Да першай належаць тыя, хто кіруецца нармальнаю міжнароднаю логікай: рэклама ў краіне ствараецца на мове тытульнай нацыі. Да другое групы можна залічыць тых, хто ведае: грамадзяне Беларусі размаўляюць пераважна па-расейску, але гэтыя замежныя фірмы робяць крок насустрач беларушчыне, каб прадэманстраваць павагу да нацыянальна свядомых колаў. І нарэшце ў трэцюю групу ўваходзяць тыя імпарцёры, якія проста не валодаюць інфармацыяй пра моўную сітуацыю ў нашай краіне.

Топ-10 цікавых прыкладаў беларускай рэкламы

З айчынных прадпрыемстваў паўнавартасную рэкламу на роднай мове прапаноўваюць сталічны Завод безалкагольных напояў – сок "Бярозавік" і...

Топ-10 цікавых прыкладаў беларускай рэкламы

... і РУП "Менск Крышталь" – "Гарэлка тутэйшая"

Топ-10 цікавых прыкладаў беларускай рэкламы

Распаўсюднікі брэнду "Terranova" вырашылі, што Кітай па-беларуску... Турцыя

Цікава, што сярод айчынных вытворцаў, якія не грэбуюць роднаю моваю, большасць складаюць дзяржаўныя прадпрыемствы. Паводле каардынатаркі грамадскай культурніцкай кампаніі "Будзьма беларусамі!" Ніны Шыдлоўскай, прыватныя фірмы аддаюць перавагу расейскім надпісам, бо з імі можна прыйсці на постсавецкія рынкі. Інвеставаць жа ў родную мову – гэта дадатковыя выдаткі.

Топ-10 цікавых прыкладаў беларускай рэкламы

Выключна з этыкеткамі па-беларуску кампанія "Heineken" вырабляе ў нашай краіне "Квас хатні спраўны"

Топ-10 цікавых прыкладаў беларускай рэкламы

Прадпрыемства з дзіўнаю назваю "Продукты Питания Комбинат", што ў Калінінградзе (Расея), прадае на беларускім рынку катлеты "Па-дамашняму" для аматараў трасянкі

Топ-10 цікавых прыкладаў беларускай рэкламы

Соусы пад гандлёваю маркаю "Махеевъ" вырабляе ў Татарстане расейская "Эссен Продакшн АГ". У беларускамоўных версіях тут сустракаюцца памылкі

Як цвердзіць актывістка, айчынным спажыўцам беларускія надпісы падабаюцца. У сакавіку "Будзьма беларусамі!" разам з соцыяметрычнай лабараторыяй "Новак" праводзіла апытанне, якое датычыла месца беларускай мовы ў грамадстве. "На пытанне: дзе вы хацелі б бачыць больш беларускай мовы? – якраз ішлі адказы наконт візуальнай рэкламы – вонкавых шыльдаў і г. д. То бок людзі чакаюць, яны гатовыя спажываць і ўспрымаюць гэта з вельмі вялікай прыязнасцю", – кажа Ніна Шыдлоўская.

Паводле яе, тыя, хто імкнецца выкарыстоўваць беларускую мову, па-іншаму падыходзяць да стварэння рэкламнага прадукту: "Дзякуючы ўласцівасцям мовы, рэкламныя ролікі ўсё ж такі робяцца з большаю душою. І гэтая адметнасць, смак нашых беларускіх словаў – калі не калькуецца з іншых моваў, а насамрэч пераасэнсоўваецца на ўзор нашай ментальнасці – выклікае ў спажыўца станоўчыя эмоцыі".

Топ-10 цікавых прыкладаў беларускай рэкламы

Замарожаную гародніну і садавіну па-беларуску рэкламуюць польскія вытворцы пад маркаю "Poltino". Праўда, тэкст падрыхтавалі з дапамогаю электроннага перакладніка

Топ-10 цікавых прыкладаў беларускай рэкламы

Расейскае прадпрыемства "НЕП", якое прадукуе папулярную гарбату "Tess" для лонданскага "Greenfield Tea", пазначыла на пакунку "Напітак чайны"

Топ-10 цікавых прыкладаў беларускай рэкламы

Кансерваваная садавіна і гародніна тайландскага вытворцы "Siam Fruit Canning", якую імпартуе расейская кампанія "МС Трейдинг" пад гандлёваю маркаю "Vitaland"

Топ-10 цікавых прыкладаў беларускай рэкламы

На выхадзе з гіпермаркету зусім нечакана можна сустрэць беларускамоўную рэкламу Міністэрства прыродных рэсурсаў і аховы навакольнага асяроддзя

Усе фота belsat.eu

Некаторыя беларускія вытворцы прыдумалі "паліткарэктныя" дзвюхмоўныя надпісы: "Конфеты "Папараць-кветка" ці "Хлеб "Водар лагодны" нарезанный".

поделиться

Новости по теме

    Фестываль Ad.nak пашыраецца

    Зварухнуць рэкламны рынак у краіне і зрабіць папулярнай рэкламу па-беларуску. Такую задачу ставіць перад сабой арганізатары фестывалю беларускай рэкламы Ad.nak.подробности

Новости партнёров