Юра Дземідовіч дае першы канцэрт на Радзіме

Сяргей Нятрэба, www.udf.by

Падчас падрыхтоўкі да дзіцячага "Еўрабачання" аўтар інтэрнэт-хіта "Волшебный кролик" не мог актыўна канцэртаваць. І справа тут была не ў шчыльных рэпетыцыях, а ў бюракратычных фармальнасцях.

Выступ Дземідовіча ў Мінску перад зоркамі з The Prodigy быў адменены, бо па правілах дзіцячага "Еўрабачання" яго ўдзельнікі не павінны прыцягвацца да ўдзелу ў камерцыйных мерапрыемствах.

Затое цяпер спявак можа дазволіць сабе сольныя выступы. На пачатку года ён ужо даў 40-хвілінны канцэрт у маскоўскім клубе "Ikra", выйшаў з дзвюмя песнямі на ўручэнне беларускай прэміі Ultra-Music, а цяпер рыхтуецца да поўнавартаснага сольнага канцэрту ў Мінску, які запланаваны ў клубе "Графіці" 26 сакавіка. Забаўна, што квіткі на яго выступ будуць каштаваць Br29 000.

Акрамя ўласна "Волшебного кролика", Юра мае заспяваць песню "Холестерин", якую лічыць сваім новым хітом. У праграму Дземідовіча ўваходзяць таксама песні "О соле мио", "Санта Лючия", твор памяці Каруза ды песні на вершы японскіх паэтаў.

поделиться

Новости по теме

    N.R.M. cыгралі першы канцэрт без Вольскага

    Гурт N.R.M. даў першы сольны канцэрт без свайго лідэра Лявона Вольскага. Паўпадпольны выступ каманды прайшоў 22 красавіка ў полацкім клубе "Сфера". У клуб, разлічаны на 180 чалавек, змясцілася больш чым удвая гледачоў.подробности

Новости партнёров