"Народ у нас сьпіты. У калгасе адны алкашы..."

"Радыё Свабода"

На поўдні Беларусі пачалася сяўба. У многіх гаспадарках галоўная праблема для старшыняў калгасаў – не надвор’е і не забясьпечанасьць палівам, а – даведзеныя да цяжкой ступені алькагалізму калгасьнікі.

На пачатку пасяўной у найлепшым у Лунінецкім раёне СПК "Новае Палесьсе" не хапае мэханізатараў. Скардзіцца старшыня калектыўнай гаспадаркі Ганна Федарук:

- У нас вялікая гаспадарка. Працуем у дзьве зьмены. У нас заробак у руках "трудзягі". Калі п’яніца, то ён губляе ўсё. Шмат пазбаўленых правоў.

Суразмоўца кажа, што п'янства ў вёсках стварае ўсё больш дадатковых праблемаў. Кіраўніца гаспадаркі не чакае, што яны будуць ліквідаваныя ў бліжэйшы час.

- Як я магу забараніць піць ці адмовіцца, калі ў чалавека няма сьвядомасьці?! Кожны ранак на плянэрцы а палове на сёмую я асабіста тлумачу, прашу мэханізатараў, бо ў гэтую вясну з-за надвор’я спазьняемся. Каля тэхнікі дзяжураць спэцыялісты, начальнікі ўчасткаў, брыгадзіры… Але не на ўсіх аднолькава дзейнічае, — кажа Ганна Федарук.

Даведваюся, што літаральна ўсе гаспадаркі на Берасьцейшчыне плацяць за працу мэдыкам на алькагольным тэставаньні.

- Пры выдачы пуцёвак сядзіць мэдсястра. У час працы пастаянна выяжджаюць аграномы, эканамісты на поле, каб кантраляваць увесь працэс. Праводзіцца пастаянны кантроль, усялякія мерапрыемствы, — распавядае Алена Сьвірыд, галоўны эканаміст у гаспадарцы "Айчына" Пружанскага раёну.

Спэцыялісты прызнаюць, што няшчасныя выпадкі ўжо здараюцца, і то менавіта праз злоўжываньне алькаголем.

- Народ у нас сьпіты. У калгасе працуюць адны алкашы. Моладзь працаваць ня хоча, — кажа пра сытуацыю ў вёсцы Малькавічы Ганцавіцкага раёну тутэйшая жыхарка Галіна Сідарэвіч.

Каб мець сродкі на выпіўку, мэханізатары СПК "Дзяніскавічы" Ганцавіцкага раёну разрабавалі мэханізаваны парк.

- У нас засталося восем сваіх трактароў. Гэта мала для нашых сельгасугодзьдзяў. У мінулым трактары нам прадастаўлялі іншыя гаспадаркі пасьля заканчэньня сваіх работ, — пацьвярджае інфармацыю служачая гаспадаркі Валянціна Швайка.

поделиться

Новости по теме

    Сельгаспрадпрыемствы выцясьняюць крамы

    Згодна з афіцыйнымі зьвесткамі, сёлета ў гаспадарках Лідзкага раёну натуральная форма аплаты дасягнула 12% ад агульнай сумы заробкаў. Навацыю тлумачаць наступствамі крызісу. Такая практыка падарвала гандаль мясцовай краме.подробности

Новости партнёров