"Наша вясна" не знайшла справядлівасці ў судзе

"Еўрарадыё"

Вярхоўны суд адмовіў у задавальненні скаргі на адмову Міністэрства юстыцыі ў рэгістрацыі правабарончай арганізацыі "Наша Вясна". На думку суда, недахопы, якія ўтрымліваліся ў спісе Рады і пратаколах устаноўчага сходу, носяць "невыпраўляльны характар".

Аргумент юрыстаў "Нашай Вясны" пра тое, што недахопы маглі быць выпраўленыя ў ходзе рэгістрацыі, суд адпрэчыў, бо прызнаў, што даваць адтэрміноўку рэгістрацыі — права, а не абавязак Мінюста.

Вярхоўны суд адпрэчыў аргументы Мінюста пра тое, што ўстаноўчы сход "Нашай Вясны" не мог адбыцца, бо памяшканне штаб-кватэры АГП для яго "зацеснае".

Вось як пракаментаваў Еўрарадыё рашэнне Вярхоўнага суда юрыст "Нашай Вясны" Валянцін Стэфановіч: "Мы на гэтым тыдні ўсё-ўсё выправім і падамо на рэгістрацыю трэці раз. Пабачым, што яны нам скажуць. Па вялікім рахунку, мы будзем працаваць і без рэгістрацыі. Калі дзяржава не гатовая нас зарэгістраваць, гэта яе праблемы".

поделиться

Новости по теме

    Адбыўся з'езд "Нашай Вясны"

    Алесь Бяляцкі быў абраны старшынём рады праваабарончага грамадскага аб'яднаньня "Наша Вясна". Ініцыятары паспрабуюць зарэгістраваць "Нашу Вясну" і арганізаваць міжнародную падтрымку для яе легалізацыі ў Беларусі.подробности

Новости партнёров