Беларускія палітыкі на Сацыялістычным форуме ў Маскве

udf.by

Лідэр Партыі камуністаў Беларускай Сяргей Калякін і старшыня Беларускай сацыял-дэмакратычнай партыі (Грамада) Анатоль Ляўковіч бяруць удзел у трэцім Сацыялістычным форуме, які пачаў працу 24 чэрвеня ў Маскве. Пра гэта сайту udf.by паведаміў Сяргей Калякін.

"На Сацыялістычны форум сабраліся лідэры Сацыялістычнага Інтэрнацыяналу, лідэр Еўрапейскай партыі сацыялістаў, дэпутаты Еўрапарламента ды нацыянальных парламентаў. Думаю, у Маскве будзе шмат сутрэч на самым высокім узроўні", - адзначыў палітык.

Трэці Сацыялісты форум разглядае стратэгію пераадолення глабальнага эканамічнага крызісу з пазіцыі сацыялістаў.

Першы сакратар ЦК ПКБ Сяргей Калякін ужо трэці раз бярэ ўдзел у Сацыялістычным форуме. На форум прыехалі дэпутаты Еўрапарламента і нацыянальных парламентаў, кіраўнікі Сацыялістычнага Інтэрнацыяналу, які аб’ядноўвае 107 сацыялістычных партыяў з краінаў СНД, Еўропы, Азіі, Лацінскай Амерыкі…

З асноўнымі дакладамі выступяць генеральны сакратар Сацінтэрна Луіс Айяла, старшыня Савета Федэрацыі і партыі "Справедливая Россия" Сяргей Міронаў, віцэ-спікер Дзярждумы Расіі Аляксандр Бабакоў.

Сацыялістычны форум раздзеліцца на тры секцыі: левы паварот у сучаснай эканамічнай палітыцы ва ўмовах глабальнага эканамічнага крызісу, сацыяльная палітыка, і інстытуты грамадскай супольнасці. Сяргей Калякін мае намер працаваць у секцыі па сацыяльнай палітыцы.

А 25 чэрвеня там жа, у Маскве, пройдзе чацвёрты з’езд партыі "Справедлая Россия", які прыме новую праграму партыі, унясе змены ў статут і абярэ новае кіраўніцтва.

На з’ездзе чакаюць блізу двух тысяч чалавек; як мяркуецца, удзельнікі Сацыялістычнага форуму ў поўным складзе прымуць удзел і ў з’ездзе "Справедливой России".

Глеб Хмяльніцкі

поделиться

Новости по теме

Новости партнёров