Зварот Аляксандра Мілінкевіча да V з’езду беларусаў свету

milinkevich.org

Умацаванне незалежнасці і далейшы росквіт нашай Бацькаўшчыны, развіццё беларускай культуры і нацыянальнай саматоеснасці – гэта пачэсны абавязак кожнага патрыёта нашай зямлі.

Беларусь заўсёды ў нашых сэрцах, незалежна ад таго, дзе мы знаходзімся. Я шчыра ўдзячны вам за тое, што памятаеце сваю Радзіму і клапоціцеся пра яе.

Беларуская дыяспара адыграла і працягвае граць надзвычай важную ролю ў захаванні цягласці дзяржаўніцкай, нацыянальнай і дэмакратычнай традыцыяў, у пашырэнні ведаў пра Беларусь, наш народ, яго гістарычную спадчыну. Беларусы замежжа – гэта амбасадары нашага краю ў свеце.

Сёньня Беларусі, якая павінна зрабіць свой геапалітычны выбар і пайсці па шляху еўрапейскай інтэграцыі, вельмі патрэбны вашы веды, досвед і патрыятызм.

Будзьма разам у працы па вяртанні нашай любай Бацькаўшчыны як дэмакратычнага еўрапейскага краю ў сусьветную супольнасць і ва ўлонне еўрапейскай цывілізацыі.

Жывуць Беларусы – жыве Беларусь!

поделиться

Новости по теме

    Івонка Сурвіла павіншавала беларусаў з Днём Волі

    Краіна наша выстаіць і зойме сваё годнае месца між дзяржаваў свету. Я моцна ў гэта веру й заклікаю кожнага з вас далучыцца да тых новых сілаў у нашым народзе, якія супрацьстаяць варожым нам ідэалогіям і менталітэту. Разам мы пераможам усе цяжкасціподробности

Новости партнёров