Еўрапарламент заступіўся за Франака Вячорку

pbnf.org

У часе галасавання ў Еўрапарламенце па беларускім пытанні было ўхвалена некалькі вусных паправак, якія падтрымалі асуджаных па "справе 14" і гвалтоўна забраных у войска апазіцыянераў.

Дэпутат ад Польшчы Яцэк Пратасевіч на просьбу А. Мілінкевіча і Amnesty International унёс папраўку, якая патрабуе ад уладаў Беларусі не толькі выпусціць нядаўна арыштаваных палітвязняў, але і перагледзець прысуды па так званай "справе 14" – 11 удзельнікам дэманстрацыі пратэсту прадпрымальнікаў, якая прайшла ў Мінску ў студзені 2008 году.

Дэпутат ад Літвы Вітаўтас Ландзбергіс прапанаваў калегам заступіцца за трох актывістаў беларускай апазіцыі, якія гвалтам былі забраныя ў войска:

"Адзін з іх з'яўляецца сынам кіраўніка апазіцыі. Гэта варта прыраўнаць да захопу дзяржавай закладнікаў – бярэм у войска твайго сына, бо ты ў апазіцыі, і з ім можа нешта там здарыцца. Такая папраўка запэўніла б бяспеку тым асобам, якія былі прымусова ўзятыя ў войска", - зазначыў спадар Ландзбергіс.

Папраўка Ландзбергіса была ўхваленая. Як і іншая – аб патрабаванні да афіцыйнага Мінска гарантыяў свабоднай дзейнасьці для ЕГУ, калі унівэрсітэт вернецца з Літвы ў Беларусь. Апрача таго, Вітаўтас Ландзбергіс звярнуў увагу на планы беларускага ўрада па пабудове АЭС на мяжы з Еўразвязам. Гэтая папраўка была ўлічаная ў прэамбуле рэзалюцыі.

поделиться

Новости по теме

Новости партнёров