Брэстчукі ахвяравалі грошы на помнік, які не будзе пабудаваны

milinkevich.org

Актывіст Руху "За Свабоду" накіраваў скаргу пракурору вобласці. На яго думку, гарадскія ўлады збіралі грошы на помнік, уводзячы ў зман ахвярадаўцаў.

Сяргей Вакуленка паведамляе ў сваім лісце на імя пракурора Брэсцкай вобласці, што брэсцкія чыноўнік у шматлікіх месцах горада размясцілі плакаты з заклікам ахвяраваць грошы на стварэнне помніка да 1000-годдзя Брэста. З выявы помніка на плакаце было бачна, што скульптурная кампазіцыя змяшчае выбітных гістарычных дзеячоў Афанасія Брэсцкага і Вялікага князя літоўскага Ягайлу. Многія людзі добраахвотна ахвяравалі грошы, маючы на ўвазе менавіта стварэнне гэтай кампазіцыі.

Як стала вядома 30 сакавіка, Брэсцкім аблвыканкамам было прынятае рашэнне прыбраць з кампазіцыі скульптуры Афанасія Брэсцкага і Вялікага князя Ягайлу. На думку актывіста Руху, мясцовыя ўлады, збіраючы ахвяраванні, уводзяць у зман гараджан, бо збіраюцца будаваць, зусім іншы помнік.

Брэсцкі актывіст Руху "За Свабоду" просіць правесці праверку па дадзеных фактах, высветліць, колькі сродкаў было сабрана на ўсталяванне помніка і колькі грамадзян было ўведзена ў зман гарвыканкамам. Сяргей Вакуленка лічыць неабходным спыніць збор сродкаў падманным шляхам і прыняць меры па вяртанню гэтых сродкаў ахвярадаўцам.

поделиться

Новости по теме

Новости партнёров