На Беларускі Еўрапейскі Форум запрашаюцца вядомыя еўрапейскія палітыкі

milinkevich.org

Сярод запрошаных асобаў Беніта Фэрэра Вальднэр, Хавіер Саляна, Лех Валенса, Вацлаў Гавэл, Вітаўтас Ландсбергіс.

Дарадца старшыні Руху "За Свабоду" Алесь Лагвінец паведаміў, што ўжо падрыхтавана каля двухсот запрашэнняў:

− Запрашэнні дасылаюцца ад імя Аляксандра Мілінкевіча. Лідэр Руху "За Свабоду" запрашае падтрымаць паварот Беларусі ў бок аб'яднанай Еўропы і завітаць на Еўрафорум у якасці ганаровых гасцёў. У тэксце ліста таксама падаецца інфармацыя пра Беларускі Еўрапейскі Форум, ягоныя мэты і задачы. Запрашэнне ў тым ліку носіць інфармацыйны характар – мы даводзім да ведама прадстаўнікоў еўрапейскай палітычнай эліты інфармацыю пра дзеянні і планы беларускіх праеўрапейскіх сілаў. Такім чынам, Форум закліканы змабілізаваць прыхільнікаў еўраінтэграцыі Беларусі як унутры краіны, так і за яе межамі,- падкрэсліў Алесь Лагвінец.

Сярод запрошаных асобаў старшыня Еўрапейскага парламенту Ежы Бузэк, якога Аляксандр Мілінкевіч запрасіў падчас асабістай сустрэчы ў жніўні, Еўракамісар па знешніх сувязях і еўрапейскай палітыцы добрасуседства Беніта Фэрэра Вальднэр, старшыня Еўрапейскай народнай партыі Вільфрэд Мартэнс, кіраўнік нямецкіх хрысціянскіх дэмакратаў Рональд Пафала, а таксама шматлікія дэпутаты Еўрапейскага парламенту і нацыянальных парламентаў краінаў ЕЗ ды Ўсходняга Партнёрства. У спісе запрошаных – блізкі сябра лідэра руху "За Свабоду", былы дэпутат Еўрапарламенту славуты фінскі аўтагоншчык Ары Ватанен.

Шэраг расійскіх палітычных і грамадкіх дзеячоў таксама будуць запрошаныя на Беларускі Еўрапейскі Форум.

поделиться

Новости по теме

    Мілінкевіч - за дыялог

    Лідэр Руху "За Свабоду" Аляксандр Мілінкевіч прымае ўдзел у саміце Еўрапейскай народнай партыі (ЕРР). На сустрэчу ў Брусель яго запрасіў старшыня Еўрапейскай народнай партыі Вільфрэд Мартэнс.подробности

Новости партнёров