Пададзена заява на правядзенне Беларускага Еўрапейскага Форуму

milinkevich.org

У лісце, дасланым в.а. старшыні Мінгарвыканкама, для правядзення мерапрыемства прапанаваныя Палац Рэспублікі, Канцэртная зала "Мінск", Палац Спорту, кінатэатр "Кастрычнік".

Заява ад імя старшыні Руху "За Свабоду" Аляксандра Мілінкевіча аб прадстаўленні 14 лістапада памяшкання ў Мінску для правядзення Беларускага Еўрапейскага Форуму накіравана першаму намесніку старшыні Мінгарвыканкама Мікалаю Ладуцька.

Правабаронча-асветніцкае грамадскае аб’яднанне "Рух "За Свабоду" ўжо звярнулася ў Палац Рэспублікі, Канцэртную залу "Мінск", Палац Спорту, кінатэатр "Кастрычнік" з просьбай заключыць дамову арэнды на прадстаўленне памяшкання для правядзення Беларускага Еўрапейскага Форуму. У лісце да спадара Ладуцькі Аляксандр Мілінкевіч просіць узгадніць прадстаўленне як аднаго са згаданых памяшканняў, так і любога іншага ў межах горада Мінска, што можа змясціць 1000 чалавек.

У заяве гаворыцца, што адной з задачаў Форуму з'яўляецца абмеркаванне еўрапейскіх перспектываў для нашай краіны, а таксама вызначэнне практычных крокаў па рэалізацыі мэтаў і задачаў праграмы Усходняга партнёрства, падтрыманай Беларуссю на афіцыйным узроўні.

поделиться

Новости по теме

Новости партнёров