Прадпрымальнікі пайшлі ў агітатары

ucpb.org

Увечары 5 кастрычніка ў Рэчыцы адбыўся семінар па падрыхтоўцы антыкрызісных агітатараў з удзелам лідэра АГП Анатоля Лябедзькі і яго намесніка Льва Марголіна.

Гэта ўжо трэцяе мерапрыемства такога роду ў Гомельскай вобласці. Папярэднія мерапрыемствы праходзілі ў Жлобіне і Рагачове.

У семінары бралі ўдзел у асноўным прадпрымальнікі. "Таму ўпэўнена можна сказаць, што прадпрымальнікі пайшлі ў агітатары, - кажа Анатоль Лябедзька. - Гэта актыўнасць звязана з тым, што ўсё ж прадпрымальнікі працягваюць заставацца той групай, на якую ідзе найбольшы прэс з боку беларускай улады. І яны ўсё больш выспяваюць для таго, каб выходзіць са сваіх палатак займацца актыўнай дзейнасцю. Для нас гэта вельмі важная група, таму што прадпрымальнікі ўвесь час працуюць з насельніцтвам. Вельмі важна, каб яны ведалі аб антыкрызіснай платформе і маглі правільна яе рэтрансліраваць".

Усе ўдзельнікі семінара атрымалі кнігу Яраслава Раманчука і Леаніда Заікі "Беларусь: транзитная зона. Книга для парламента", газету "Глоток воздуха" і іншы інфармацыйны матэрыял. Такім чынам, паводле Анатоля Лябедзькі, можна спадзявацца што ўжо сёння ў Рэчыцы людзі атрымліваюць не толькі тавары, але і інфармацыю АДС.

поделиться

Новости по теме

    Якія прадпрымальнікі ідуць у дэпутаты?

    Найперш у мясцовыя органы ўлады сёння хочуць ісці прадпрымальнікі, якія маюць дачыненне да чыноўнікаў. Тыя, хто "крышуецца" чыноўнікамі і вырашае непасрэдна з імі пытанні на месцах. Гэта асабліва характэрна для буйных гарадоў.подробности

Новости партнёров