Віталя Рымашэўскага не пусцілі на віцебскае тэлебачанне

Радыё "Свабода"

У кандыдата была заплянавана сустрэча з супрацоўнікамі тэлерадыёкампаніі "Віцебск". Замову на сустрэчу адміністрацыя прыняла, але ні Віталя Рымашэўскага не прапусьцілі ў памяшканьне, ні людзей не пусьцілі да яго, каб сустрэцца хаця б на ўваходзе.

Паводле Паўла Севярынца, даверанай асобы Віталя Рымашэўскага, групе агітатараў сьпярша нават пачалі выпісваць пропускі. Але ў 10.00 — на гэты час была прызначана сустрэча — у холе зьявіўся намесьнік дырэктара тэлерадыёкампаніі Вадзім Лапацінскі і заявіў, што гэта "рэжымны аб’ект", а таму нікога не прапусьцяць і агітацыйныя матэрыялы раздаваць не дазволяць.

Супрацоўнікам выйсьці да Віталя Рымашэўскага таксама забаранілі, бо кіраўніцтва сказала, што ў іх працоўны дзень і яны мусяць знаходзіцца на сваіх працоўных месцах.

Павал Севярынец кажа, што сустрэча будзе праведзена хаця б на ўваходзе ў будынак — для мінакоў ды тэхнічных супрацоўнікаў тэлерадыёкампаніі, якія ня мусяць увесь час знаходзіцца ў галоўным будынку. А потым кандыдат ці ягоныя давераныя асобы напішуць скаргу ў тэрытарыяльную камісію — пра тое, што заплянаваную і дазволеную сустрэчу сарвала кіраўніцтва тэлерадыёкампаніі "Віцебск".

поделиться

Новости по теме

Новости других СМИ

Комментарии временно отключены в связи с обострением общественно-политической ситуации в Беларуси. Мера направлена на предотвращение провокаций — во избежание нарушения наших правил комментирования. Мы планируем вернуть возможность комментирования после урегулирования ситуации в стране.

Дорогие читатели, приносим свои извинения за неудобства! Вы по-прежнему можете вести дискуссии на страницах UDF.BY в соцсетях. Подписывайтесь на нас в Facebook, «ВКонтакте» и Twitter!