На адным з участкаў Мінска за два дні прагаласавала практычна палова выбаршчыкаў

БелаПАН

На ўчастку № 53 Кастрычніцкага раёна Мінска за два дні прагаласавала практычна палова выбаршчыкаў. Пра гэта паведаміў адзін з каардынатараў кампаніі «За справядлівыя выбары» Сяргей Калякін 16 снежня на прэс-канферэнцыі ў Мінску.

Паводле яго слоў, да гэтага ўчастка прыпісаныя студэнты Беларускага дзяржаўнага педагагічнага ўніверсітэта імя М.Танка.

Калякін паведаміў, што на ўчастак для галасавання паступіла 2.650 бюлетэняў з улікам запасных. Пры гэтым у першы дзень датэрмінова прагаласаваў 651 чалавек, у другі — 529.

Калякін лічыць, што на гэтых прэзідэнцкіх выбарах датэрмінова можа прагаласаваць рэкордная колькасць выбаршчыкаў — 38–40%. «Да гэтага ўсё ідзе. Улада паставіла перад сабой адпаведныя рубяжы. На ўсю моц уключаны адміністрацыйны рэсурс, які прымушае насельніцтва да датэрміновага галасавання», — сказаў Калякін.

Ён таксама паведаміў, што цяпер датэрмінова прымушаюць галасаваць не толькі студэнтаў, ваеннаслужачых, але і рабочых на вытворчасцях. У прыватнасці, адзначыў ён, на ВА «Хімвалакно» начальнікі цэхаў рэкамендуюць сваім падначаленым галасаваць датэрмінова, паколькі, на іх думку, «апазіцыя 19 снежня рыхтуе на ўчастках тэрарыстычныя акты, якіх варта апасацца».

поделиться

Новости по теме

Новости других СМИ

Комментарии временно отключены в связи с обострением общественно-политической ситуации в Беларуси. Мера направлена на предотвращение провокаций — во избежание нарушения наших правил комментирования. Мы планируем вернуть возможность комментирования после урегулирования ситуации в стране.

Дорогие читатели, приносим свои извинения за неудобства! Вы по-прежнему можете вести дискуссии на страницах UDF.BY в соцсетях. Подписывайтесь на нас в Facebook, «ВКонтакте» и Twitter!