Ганна Хітрык заснавала новы музычны праект

Сяргей Нятрэба, партал навінаў www.UDF.BY
6 сентября 2010, 14:00
Актрыса Купалаўскага тэатру сабрала музыкантаў дзеля новага праекту, які будзе звацца "S*unduk". Пра адраджэнне адной з самых запатрабаваных камандаў на беларускай сцэне "Дзецідзяцей" спявачка казаць не хоча.

Заява музыкантаў гурта "Дзецідзяцей" у чэрвені пра прыпыненне дзейнасці стала для іх прыхільнікаў поўнай нечаканасцю. Каманда на чале з Ганнай Хітрык толькі выдала новы беларускамоўны альбом "Рух" ды актыўна давала канцэрты. Што здарылася ў гурце, Ганна не хоча казаць дагэтуль. "Мы вырашылі гэта аніяк не каментаваць, бо калі я скажу, што прычына ва мне, дык усе на тое адкажуць, што Хітрык грае ў ахвяру, а калі скажу, што праблемы паўсталі праз іншых музыкаў, дык абавязкова нагавораць, што я перакладаю віну на хлопцаў", – кажа спявачка.

Разам з часткаю музыкантаў з "Дзецідзяцей" і з новым гітарыстам Ганна пачала рэпетыцыі новага праекту пад назвай "S*unduk". У музычным плане ён мала чым будзе розніццца ад таго, што яна рабіла раней. Прэзентацыя праекту запланаваная на 2 кастрычніка.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиКультура ❯ Ганна Хітрык заснавала новы музычны праект