Таболічы ладзяць публічнае вяселле

Сяргей Нятрэба, партал навінаў www.UDF.BY
5 октября 2010, 16:17
Мэтал-музыка і шоўмэн Алесь Таболіч вырашыў зрабіць сваё вяселле адкрытым для ўсіх.

Лідэр гурта Znich мяркуе, што публіка павінна бачыць творчых асобаў у розных іпастасях і сакрэту з падзеі ў сваім жыцці не робіць. Наадварот – сваё вяселле Таболіч вырашыў правесці ў адкрытым фармаце. Другі дзень святкаванняў пройдзе ў мінскім клубе "Рэактар" пры ўдзеле фолк- і рок-гуртоў. Трапіць на гэты вясельны канцэрт можа кожны, хто набудзе квіток у касах.

"Мяркую, што за тыя 14 год, як выходжу на сцэну, я магу сябе лічыць значнай медыяперсонай, прынамсі ў мэталічнай тусоўцы. Таму бачу сваё вяселле менавіта так – для сябе і для людзей".

24 кастрычніка маладых будуць віншаваць гурты "Рокаш", "Сок", "Рокерджокер", "Зьмяя", Unia. Выйдзе на сцэну і гурт Таболіча Znich. Весці імпрэзу будзе Лэсьлі Ножык, лідэр самай знакавай мэтал-групы з Беларусі – Gods Tower.

Абранніцу Алеся Таболіча завуць Алеся. Яна маладзейшая за будучага мужа на 11 год. Цяпер вучыцца на філфаку БДУ і працуе журналісткай.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиКультура ❯ Таболічы ладзяць публічнае вяселле