Полацк святкуе 1150-годдзе

UDF.BY
25 мая 2012, 11:15
Урачыстае адкрыццё святкавання 1150-годдзя Полацка адбудзецца 25 мая на плошчы Свабоды.

Як паведамляе прэс-служба Міністэрства культуры, святочныя мерапрыемствы пачнуцца з канцэрта "Полацк мой, мая памяць і гонар…", у якім возьмуць удзел дзяржаўны ансамбль "Песняры", Нацыянальны акадэмічны народны хор Рэспублікі Беларусь імя Цітовіча, харэаграфічны ансамбль "Харошкі" і іншыя.

У гэты ж дзень "Харошкi" дадуць канцэрт на галоўнай плошчы Полацка а таксама пройдуць падчас урачыстага шэсця па Полацку ў касцюмах шляхты 16 - 17 стст.

На свята песні і паэзіі палачане і госці горада трапяць 26 мая на канцэрце «Залатая калекцыя беларускай песні», які адбудзецца на галоўнай канцэртнай пляцоўцы горада на плошчы Свабоды.

У канцэрце прымуць удзел папулярныя выканаўцы і калектывы беларускай эстрады. Прагучаць вядомыя песні беларускіх паэтаў і кампазітараў: "Родны мой горад", "Завіруха", "Заварожаная фея" у выкананні ансамбля "Верасы"; "Пах чабаровы" у выкананні ансамбля "Чараўніцы"; знакамітыя "Завушніцы" Уладзіміра Мулявіна; "Янка Купала", "Бялявая, чарнявая", "Касіў Ясь канюшыну" і іншыя.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ