Сайт UDF.BY блокируется из Беларуси. Пожалуйста, пользуйтесь нашим зеркалом: https://udf.name

За “Свабоду Аўтоховічу“ Дубскага пакаралі штрафам

Радыё Свабода
10 июня 2009, 13:09
Сёння Асіповіцкі суд пакараў Арцёма Дубскага штрафам на 25 базавых велічыняў (875 тысяч рублёў).

Моладзевага актывіста затрымалі сёння ж і абвінавацілі ў тым, што ён зрабіў надпіс "Свабоду Аўтуховічу" на адным з будынкаў. Адміністрацыйную справу перадалі на разгляд адміністрацыйнай камісіі райвыканкаму, паседжанне якой адбылося адразу ж.

Нагадаем, два дні таму супраць асіповіцкага актывіста незарэгістраванай арганізацыі "Малады фронт" аднавілі і крымінальную справу. Хутчэй за ўсё, справа хутка паступіць у пракуратуру, адкуль яе перададуць у суд

Гэтую справу былі ўсчалі за парушэнне правілаў адбыцця пакарання — абмежавання волі, да якога Арцём быў прысуджаны як фігурант "справы чатырнаццаці".

13 лютага актывіста ўзялі пад варту на беларускай мяжы, калі ён вяртаўся з Украіны. Пазней Арцёму змянілі меру ўтрымання і выпусцілі на волю, але паўтара месяца справу ў суд не перадавалі.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ