Што аб’яноўвае беларускіх коцікаў і Пітэра Пэна?

Уршуля Браніцкая, UDF.BY

Фотаздымак вокладкі кнігі
«Чулі навіну? «Пітэр Пэн» выйшаў на беларускай мове!» - дзяліліся паміж сабой маладыя мамы ў тралейбусе. Я зрэагавала адразу - і гэта навіна? У рэшце рэшт, дзе мы жывем? Гэта ж нармальна, калі ў Беларусі выдаюць дзіцячую класіку менавіта па-беларуску. Але, разабраўшыся ў сітуацыі, зразумела: гэта сапраўды падзея. Бо кніг на роднай мове для сучасных дзяцей выдаецца вельмі і вельмі мала. Не верыце? А зайдзіце ў любую кнігарню.

Што аб’яноўвае беларускіх коцікаў і Пітэра Пэна?

Што аб’яноўвае беларускіх коцікаў і Пітэра Пэна?

Што аб’яноўвае беларускіх коцікаў і Пітэра Пэна?

Чаму так адбываецца? Дорага? Магчыма. Бо дзіцячыя кнігі гэта не толькі цікавая гісторыя, але і ілюстрацыі практычна на кожнай старонцы. На такое пойдзе не кожнае выдавецтва. Бо не факт, што кніга акупіцца.

Зрэшты, выйсце ёсць. Трэба разам фінансаваць цікавыя праекты. Такія, як кніга «Кот Шпрот і таямніца атракцыёнаў», якая ўбачыць свет у выдавецтве «Янушкевіч».

Што аб’яноўвае беларускіх коцікаў і Пітэра Пэна?

Аўтарка Ганна Янкута

Чым асабіста мяне зацікавіў гэты праект?

Па-першае, галоўны герой кнігі - сапраўдны кот, а катоў, як вядома, любяць усе. Па-другое, дзеянне адбываецца ў сучасным Мінску. І па-трэцяе, мяркуючы па анатацыі, кніга напісана ў жанры прыгодніцкага фэнтэзі з элементамі дэтэктыва. А гэты жанр адзін з самых запатрабаваных у сучасных дзяцей.

І, самае галоўнае, аўтарка Ганна Янкута абяцае, што гэта - толькі першая кніга з серыі пра незвычайнага ката і яго сяброў. То бок, чытачы атрымаюць магчымасць сачыць за развіццём упадабаных герояў.

Асобна - аб афармленні кнігі. Ілюстрацыі ў ёй не класічныя. Але мастачцы Ліліі Давыдоўскай ўдалося стварыць асобны свет, у якім перапляліся дзіцячыя фантазіі, эмоцыі і пачуцці.

Што аб’яноўвае беларускіх коцікаў і Пітэра Пэна?

Мастачка Лілія Давыдоўская

Так што калі вы зацікаўлены ў выданні гэтай кнігі, калі ласка на "Вулей". Давайце разам ствараць гісторыю новай дзіцячай літаратуры. І, хто ведае, можа калі-небудзь, у тралейбусе, я ўбачу дзіцёнка, які замест таго, каб “ўтыкаць” у экран свайго смартфона, будзе чытаць "Прыгоды ката Шпрота"?

Новости по теме

Новости других СМИ

Дорогие читатели, в дискуссиях на нашем сайте все чаще стали проявляться нарушения правил комментирования. Троллинг, флуд и провокации затопили вдумчивые и остроумные высказывания. Не имея ресурсов на усиление модерации и учитывая нюансы белорусского законодательства, мы решили без предупреждения отключить комментирование. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте» и Twitter