Святлана Бароўская пакрыўдзілася на журналістаў
Святлана Бароўская адмовілася прадаставіць інфармацыю карэспандэнту "Еўрапейскага радыё для Беларусі" Змітру Панямонаву.
Зварот журналіста ў МУС быў звязаны з інфармацыяй, якую агучыў Аляксандр Лукашэнка 28 чэрвеня на нарадзе з кіраўнікамі сілавых ведамстваў. Крытыкуючы працу беларускай міліцыі, ён паведаміў пра 78 выпадкаў, калі супрацоўнікі міліцыі самі правакавалі грамадзян на правапарушэнні.
Распрацоўваючы гэтую тэму, 30 чэрвеня "Еўрарадыё" папрасіла прэс-сакратара міністэрства падрабязней распавесці пра некалькі такіх выпадкаў.
С. Бароўская адмовілася не толькі прадаставіць такую інфармацыю, але і наогул размаўляць з карэспандэнтам, спаслаўшыся на занятасць.
Па словах Панямонава, тэлевядучая БТ Святлана Бароўская ў свой час пакрыўдзілася на "Еўрарадыё" за матэрыял "Каму дазволена будаваць у прыродаахоўнай зоне?", дзе згадваўся і яе прыватны дом. Па яе словах, згаданая публікацыя стварыла ёй шмат праблем.
"Асабістыя крыўды не вызваляюць прэс-сакратара МУС ад наўпроставых абавязкаў, — перакананы Зміцер Панямонаў. — Яны падрабязна апісаныя ў законе "Аб СМІ" і ў прэзідэнцкім указе № 65".
Паводле ўказу "Аб удасканаленні працы дзяржаўных органаў, іншых дзяржаўных арганізацый са сродкамі масавай інфармацыі", у абавязкі прэс-сакратара, сярод іншага, уваходзіць: "забеспячэнне ўзаемадзеяння дзяржаўнага органа са СМІ" і "прадастаўленне СМІ афіцыйных звестак пра дзейнасць дзяржаўнага органа" за выключэннем тых, што належаць да дзяржаўных сакрэтаў, камерцыйнай ці іншай таямніцы, якая ахоўваецца законам.
Зварот журналіста ў МУС быў звязаны з інфармацыяй, якую агучыў Аляксандр Лукашэнка 28 чэрвеня на нарадзе з кіраўнікамі сілавых ведамстваў. Крытыкуючы працу беларускай міліцыі, ён паведаміў пра 78 выпадкаў, калі супрацоўнікі міліцыі самі правакавалі грамадзян на правапарушэнні.
Распрацоўваючы гэтую тэму, 30 чэрвеня "Еўрарадыё" папрасіла прэс-сакратара міністэрства падрабязней распавесці пра некалькі такіх выпадкаў.
С. Бароўская адмовілася не толькі прадаставіць такую інфармацыю, але і наогул размаўляць з карэспандэнтам, спаслаўшыся на занятасць.
Па словах Панямонава, тэлевядучая БТ Святлана Бароўская ў свой час пакрыўдзілася на "Еўрарадыё" за матэрыял "Каму дазволена будаваць у прыродаахоўнай зоне?", дзе згадваўся і яе прыватны дом. Па яе словах, згаданая публікацыя стварыла ёй шмат праблем.
"Асабістыя крыўды не вызваляюць прэс-сакратара МУС ад наўпроставых абавязкаў, — перакананы Зміцер Панямонаў. — Яны падрабязна апісаныя ў законе "Аб СМІ" і ў прэзідэнцкім указе № 65".
Паводле ўказу "Аб удасканаленні працы дзяржаўных органаў, іншых дзяржаўных арганізацый са сродкамі масавай інфармацыі", у абавязкі прэс-сакратара, сярод іншага, уваходзіць: "забеспячэнне ўзаемадзеяння дзяржаўнага органа са СМІ" і "прадастаўленне СМІ афіцыйных звестак пра дзейнасць дзяржаўнага органа" за выключэннем тых, што належаць да дзяржаўных сакрэтаў, камерцыйнай ці іншай таямніцы, якая ахоўваецца законам.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
