АБСЕ не цікавяць выбары ў Беларусі

"Еўрарадыё"
21 июля 2009, 16:40
Семінар АБСЕ па выбарчых пытаннях адбыўся днямі ў Вене. У ім удзельнічалі эксперты ў галіне правядзення выбараў, а таксама і спецыялісты па міжнародным назіранні. Прысутнічала і дэлегацыя з Беларусі.

Падчас семінара ўдзельнікі дзяліліся досведам і абменьваліся меркаваннямі. Канкрэтных рэзалюцый прымаць не планавалася, паведаміў Еўрарадыё сакратар Цэнтральнай выбарчай камісіі Мікалай Лазавік:

"Заданнем семінара не было выпрацаваць адзіную кропку погляду. Гэта было камунікаванне экспертаў, якія нікому не навязваюць сваё меркаванне, а толькі абмяркоўваюць праблемы і завастраюць увагу на недахопах і добрых якасцях той ці іншай працэдуры".

Семінар складаўся з трох сесіяў, падчас якіх абмяркоўваліся пытанні цэнтральных выбарчых ворганаў, працэс падрыхтоўкі выбараў, выбарчыя працэдуры, інфармаванне насельніцтва ды выбарчае заканадаўства.

Беларускія праблемы асобна не ўздымаліся. Эксперты спасылаліся толькі на ўласны досвед і не крытыкавалі іншых краін. Мікалай Лазавік ацэньвае дыялог спецыялістаў як "вельмі канструктыўны".
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиГлавные новости ❯ АБСЕ не цікавяць выбары ў Беларусі