З якімі пытаннямі прыедзе ў Мінск Назарбаеў?

Радыё Рацыя
25 ноября 2009, 12:24
На працягу двухдзённага візіту прэзідэнта Казахстана Нурсултана Назарбаева ў Мінск плануецца разглядзець даволі шматлікія пытанні. Паводле аглядальніка Рамана Якаўлеўскага, галоўнымі з іх будуць эканамічныя: удзел казахстанскага капіталу ў беларускай нафтапераапрацоўцы, у прыватнасці набыццё акцый прадпрыемстваў Мазыра і Наваполацка.

Другім момантам стане абмеркаванне Мытнага саюза, падпісанне пагадненняў на гэты конт прымеркавана на 27 лістапада. Аглядальнік адзначае, што пакуль не зусім зразумела, ці будзе ў Мінску з гэтай нагоды прэзідэнт Расіі Дзмітрый Мядзведзеў. У прыватнасці падчас прэсавай канферэнцыі для беларускіх СМІ канкрэтнага адказу на гэты конт не прагучала.

І трэцім момантам перамоваў у Мінску стане таксама пытанне вакол офісу АБСЕ ў Мінску. Справа ў тым, што Казахстан з наступнага году будзе старшыняваць у АБСЕ. Таму даволі складаным і цяжкім пытаннем падчас перамоваў стане сітуацыя вакол Мінскага офісу. Некаторы час таму кіраўнік адміністрацыі Лукашэнкі Уладзімір Макей адзначыў, што офіс АБСЕ у Беларусі не патрэбен. Але Астана лічыць зусім па-іншаму. Да таго ж Раман Якаўлеўскі нагадвае пра заяву Назарбаева аб правядзенні ў Астане саміту АБСЕ у наступным годзе, апошні такі саміт праводзіўся каля дзесяці гадоў таму назад у Турцыі. І Лукашэнка, магчыма, таксама будзе намагацца, каб і яго голас гучаў на гэтай пляцоўцы пад назвай АБСЕ.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники
•   UDFНовостиГлавные новости ❯ З якімі пытаннямі прыедзе ў Мінск Назарбаеў?