Сайт UDF.BY блокируется из Беларуси. Пожалуйста, пользуйтесь нашим зеркалом: https://udf.name

“Рок-Каранацыя“ ад назвы не адмаўляецца

Сяргей Нятрэба, www.udf.by
11 января 2010, 10:41
Нягледзячы на леташнія заявы пра тое, што цырымонія пройдзе пад такой назвай у апошні раз, яе арганізатары вырашылі захаваць свой брэнд. 14-ая па ліку "Рок-Каранацыя" пройдзе 4 сакавіка. Упершыню яе правядуць не ў канцэртнай зале, а ў клубе.

Як заяўляюць арганізатары цырымоніі Юрый Цыбін і Павел Кашырын, сёлета цырымонію ўзнагароджання вырашана правесці ў альтэрнатыўным фармаце – у клубе, каб слухачы атрымалі магчымасць патанчыць. Для гэтых мэтаў абраны мінскі клуб "Рэактар". Разглядаўся іншы варыянт – правесці музычную ўрачыстасць у Тэатры оперы і балета, але з гэтай задумы нічога не выйшла.

Да ўсяго, нягледзячы на заўпэўніванні перад цырымоніяй у 2009 годзе, калі было заяўлена, што ў будучыні ў назве застанецца толькі слова "Каранацыя", брэнд вырашана пакінуць. "Рок-Каранацыя" пройдзе ў Мінску 3 сакавіка. Па традыцыі, будуць названыя найлепшы альбом года, песня года, кліп года, пераможца ў намінацыі "Традыцыі і сучаснасць", рок-князёўна і ўладальнік Рок-Кароны – галоўны беларускі гурт году. Плануецца таксама ўвесці некалькі абсалютна новых намінацый.

Летась галоўную рок-карону атрымаў гурт "Ляпіс Трубяцкой", які і цяпер сярод галоўных прэтэндэнтаў на ўзнагароду.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ