N.R.M. — героі 15-годдзя -фото

N.R.M. прызнаныя лепшымі па выніках галасавання за "Лепшы гурт 15-годдзя" на цырымоніі "Рок-Каранацыя", а іх дыск "Тры чарапахі" атрымаў званне "Лепшага альбому 15-годдзя".

На другім месцы сярод лепшых гуртоў паводле афіцыйнага галасавання, што праводзілася на інтэрнэт-партале “Тузін Гітоў”, апынуўся Neuro Dubel, на трэцім — "Ляпіс Трубяцкой". У намінацыі "Лепшы альбом" другое месца заняў Manifest "Ляпісаў", на трэцім — “Народны альбом”. У галасаванні ўдзельнічалі пераможцы цырымоніі ад 1994 году ў намінацыях "Гурт году" ("Рок-Карона") і "Альбом году".

Гурт N.R.M. двойчы прызнаваўся лепшай рок-камандай Беларусі — у 1997 і 2000 гадах. А іх дыск "Тры чарапахі" атрымаў прыз як лепшы альбом у 2000 годзе.

Музыканты N.R.M. атрымалі ўзнагароду ўтрох. Лідэр каманды Лявон Вольскі на сцэну не выйшаў.