Сайт UDF.BY блокируется из Беларуси. Пожалуйста, пользуйтесь нашим зеркалом: https://udf.name

Суд і калонія паказалі цырк

udf.by
25 июня 2009, 18:26
Амерыканскі грамадзянін Эмануіл Зэльцэр, які з 8 па 25 чэрвеня трымаў галадоўку ў папраўчай калоніі №15 Магілёва, часова прыпыніў галадоўку. Пра гэта паведаміў адвакат Дзмітрый Гарачка.

Адвакат рыхтуе скаргу ў Дэпартамент выканання пакаранняў МУС, каб ведамства разабралася з даведкай, адсутнасць якой не дае магчымасць адміністрацыі калоніі прымяніць да амерыканца амністыю.

"Будзем рыхтаваць скаргу ў Дэжпартамент выканання пакаранняў, каб выслалі нарочнага і даставілі нарочным гэтую даведку. Без малога два месяцы не могуць разабрацца з адной даведкай… Старшыня Вярхоўнага суда кажа, што няма запыту ў Мінскім гарадскім судзе, адміністрацыя калоніі сцвярджае, што накіравала ў Мінгарсуд даведку амаль два месяцы назад. Цырк – дый годзе", - сказаў сайту udf.by Дзмітрый Гарачка.

Эмануіл Зэльцэр, асуджаны да трох гадоў зняволення, фактычна з моманту дастаўкі ў магілёўскую калонію №15 знаходзіцца ў медыцынскай частцы па стане здароўя. Зняволены падпадае пад аб’яўленую амністыю. Аднак Мінскі гарадскі суд дагэтуль не падаў у адміністрацыю калоніі даведку, што ні дзяржава, ні грамадзяне Беларусі не маюць да амерыканца судовых прэтэнзій. А 25 чэрвеня старшыня Вярхоўнага суда Валянцін Сукала ўвогуле аб’явіў, што запыт з калоніі ў Мінгарсуд увогуле не паступаў.

Эмануіл Зэльцэр, маючы шэраг хранічных захворванняў і не прымаючы асобныя лекі, адгаладаў з 8 па 25 чэрвеня. "Незваротных працэсаў у арганізме Зэльцэра, якія маглі адбыцца ў гэтых умовах, на шчасце, не абдылося. Фізічна трымаецца. А вось маральны стан – дрэнны", - адзначыў Дзмітрый Гарачка.

Глеб Хмяльніцкі
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ