Сайт UDF.BY блокируется из Беларуси. Пожалуйста, пользуйтесь нашим зеркалом: https://udf.name

У Гомелі працягваюцца пратэсты прадпрымальнікаў

Хартыя'97
3 апреля 2009, 17:03
Прадпрымальнікі гомельскіх рынкаў працягваюць пратэставаць супраць новых, падвышаных ставак адзінага падатку. Сёння на рынках збіралі подпісы пад зваротам у абласны савет.

Бізнэсоўцы патрабуюць перагледзець уведзеныя Гомельскім абласным саветам стаўкі адзінага падатку, перадае "Радыё Свабода".

"Ад аблсавета мы патрабуем зніжэння ставак, - гаворыць адна з прадпрымальніц Цэнтральнага рынка. - Мы не выжываем. Гандаль зведзены на нішто. Сама спажывецкая здольнасць людзей упала да мінімуму. Нам няма з чаго плаціць".

Нагадаем, што напярэдадні на Цэнтральным рынку адбыўся сход прадпрымальнікаў з удзелам бізнэсоўцаў Мазыра, Жлобіна, Светлагорска, Рагачова. Створаная абласная рада прадпрымальнікаў, каб супольна адстойваць у рэгіёне інтарэсы дробнага бізнэсу.

Падвышэнне падаткаў ды арэнды за працу на рынках у красавіку змусілі прадпрымальнікаў да актыўных пратэстаў. Прычым, абласныя ўлады зацвердзілі падвышэнне без супраціву з боку афіцыйных радаў прадпрымальнікаў пры выканкамах і рынках.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ