Сайт UDF.BY блокируется из Беларуси. Пожалуйста, пользуйтесь нашим зеркалом: https://udf.name

Раёнцы дазволілі ўжываць лаянку і абразы

"Еўрарадыё"
6 мая 2009, 16:07
Калегія магілёўскага абласнога суда не задаволіла касацыйную скаргу на рашэнне суда Чавускага раёна па пазову супрацоўнікаў крычаўскай газеты "Вольны горад" Сяргея Няроўнага і Уладзіміра Кудраўцава супраць раёнкі "Ленінскі кліч". Нагадаем, раённая газета надрукавала некалькі пасквіляў, у якіх абражала Няроўнага і Кудраўцава.

Гаворыць галоўны рэдактар "Вольнага горада" Сяргей Няроўны: "Называлі нас "дерьмократы, шакалы, паўдуркі". Кудраўцава называлі "стары пень, сабака"... далей, не буду працягваць. Больш за 100 жыхароў Крычава падтрымалі незалежную газету і напісалі заяву ў абласны суд, як сведкі, але суд гэтага не ўлічыў. Людзі казалі, што ім з самага пачатку было зразумела, каго абражаюць. Гэтая заява ўжо была ў панядзелак у абласным судзе. 103 чалавека падпісаліся".

Раней суд Чавускага раёна не прыняў да увагі дзяржаўную лінгвістычную экпертызу, якую праводзіла мінскі эксперт Аксана Шчарбакова. Экпертыза прызнала, што казкі ў "Ленінскім клічы" — гэта пасквілі, якія абражаюць Няроўнага і Кудраўцава. Сяргей Няроўны пабачыў сябе ў персанажы гэтых казак, як "Крывы", а Кудраўцава называлі "Кучаравы".

У наглядным парадку рашэнне будзе абскарджанае, але надзеяў няма, бо "працуе тэлефоннае права", кажа Сяргей Няроўны.
Заметили ошибку? Пожалуйста, выделите её и нажмите Ctrl+Enter
Дорогие читатели, не имея ресурсов на модерацию и учитывая нюансы белорусского законодательства, мы решили отключить комментарии. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте», Twitter и Одноклассники

Новости других СМИ