Беларускае нашэсце на Украіну

Сяргей Нятрэба, партал навінаў www.UDF.BY

Восем цікавых гуртоў з Беларусі цягам трох дзён будуць даводзіць украінцам усю прыгажосць і незвычайнасць айчыннай музыкі. Фэст наведае лідэр гурта "Воплі Відаплясава" Алег Скрыпка, які паабяцаў адыграць уласны ды-джэй сэт на адной сцэне з этна-трыё "Троіца".

Фестываль "Дні слушнай беларускай музыкі" праходзіць у Кіеве другі раз. Першы фэст прайшоў 25 сакавіка ў вядомым арт-клубе ўкраінскай сталіцы – "44".

"Гэта была спроба сілаў. Той факт, што ў клубе, які змяшчае 300 чалавек, сабралася каля пяціста гледачоў, пацвердзіў вялікую цікавасць да беларускай музыкі", - кажа генеральны прадзюсар фэсту Алег Ціханаў. На другую частку "слушных дзён" ён запрасіў восем камандаў, кожная з якіх цікавая ў сваім стылі. Пляцоўка для выступа была абраная большая па памерах - клуб Sullivan Room. Тут з 25 да 27 лістапада сыграюць Apple Tea, гурт "Нагуаль", этна-трыё "Троіца", Сяргей Пукст, The Apples, "Фляус і Кляйн", Морфе Акустик Бэнд і Cherryvata, якія прадставяць усё багацце стыляў – ад року да айсід-джазу. Гурт "Нагуаль" наогул вызначае свой стыль арыгінальным чынам: "балотны транс-дыска-панк".

"Наша музыка доўгі час знаходзілася ў сваеасаблівай інфармацыйнай блакадзе, пад прэсам савецкай і постсавецкай эстрады. Дзякуючы гэтаму, мы стварылі такія стылі, якім вельмі мала аналагаў не толькі ў свеце, але і ў суседніх краінах. Беларуская музыка адметная, таму яна так цікавіць слухачоў з іншых краінаў", - кажа Алег Ціханаў.

Пацверджаннем словам беларускага прадзюсара можа быць тое, што "Днямі слушнай беларускай музыкі" зацікавіўся лідэр гурта "Воплі Відаплясава" і прэзідэнт двух буйных украінскіх фестываляў Алег Скрыпка. Ён паабяцаў наведаць канцэрт беларусаў і нават зайграць свой ды-джэй сэт на адной сцэне з этна-трыё "Троіца" і гуртом Cherryvata.

поделиться

Новости по теме

    Алег Скрыпка: "Я фанат беларускай музыкі"

    Больш за 20 камандаў выступіць на фэстывалю Be Free, які ладзяць беларускія арганізатары на тэрыторыі Ўкраіны. Сёлета фэст пройдзе 22 і 23 жніўня. У ліку хэдлайнераў гурты з Беларусі, Украіны, Польшчы і Францыі. Першы дзень фэсту закрые гурт "Ляпісподробности

Новости партнёров