Беларускія музыкі з Польшчы запісалі песню «Саша, сыходзь» - аўдыё

Сяргей Будкін, Тузін Гітоў, для партала навінаў www.UDF.BY

Шэраг беларускіх музыкаў, што жывуць і працуюць у Польшчы, аб’ядналіся разам, каб выказаць сваё стаўленне да падзеяў на Радзіме. Іх праект атрымаў назву "Tim Taler", а дэбютны інтэрнэт-сынгл – "Саша, сыходзь".

"Мы не маглі застацца ў баку ад таго, што робіцца ў нашай краіне. Сваёй песняй мы хочам разварушыць беларускую моладзь. Яна зроблена сур’ёзна, гэта не праект прыкалістаў-клоўнаў, што спяваюць на трасянцы, якіх становіцца ўсё больш", - заяўляюць удзельнікі праекту "Tim Taler". Усе яны граюць у Польшчы ў ангельскамоўных і польскамоўных камандах. Ад спробаў утварыць беларускамоўны гурт яны адмовіліся.

"Па-беларуску я перастаў спяваць, бо задзяўбло тое, што да нас, беларусаў, у Польшчы ставяцца як да нейкіх непаўнавартасных, - кажа вакаліст "Tim Taler". - Ладзяць канцэрты, не таму што музыка класная, а таму што у нас дрэнны прэзідэнт. А нам не трэба, каб нас хлопалі па плячу ды шкадавалі".

Тым не менш, на час музыкі сабраліся разам, каб запісаць беларускамоўную песню і прадэманстарваць сваю неабыякавасць да таго, што адбываецца на Радзіме. Праект назвалі "Tim Taler", гуляючыся са словамі "team" (каманда), "талер" (беларуская валюта) і імём героя папулярнай кнігі, які прадаў свой смех.

Музыкі кажуць, што калі іх песня-маніфест будзе мець розгалас, то яны могуць вярнуцца да выканнання беларускага патрыятычнага року.

поделиться

Новости по теме

    Песня пра ШОС - аўдыё

    Беларускамоўны электра-поп праект з Польшчы "Step" запісаў і выклаў у сеціва сваю новую песню. "Каб адыйшла зараза, усім нам патрэбны ШОС", - спявае ў ёй вядомы беластоцкі музыка і ды-джэй Лукаш Сцепанюк.подробности

Новости партнёров