Віктар Марціновіч напісаў "баявік пра беларускую мову"

Юрась Ускоў, "Наша Ніва"

У інтэрнэце з’явілася інфармацыя, што сёлета мае выйсці новы раман Віктара Марціновіча пад назвай "Мова". Гэта будзе ўжо другі (пасля кнігі "Сцюдзёны вырай") яго твор, напісаны па-беларуску.

"Пакуль я магу расказаць вельмі няшмат, — кажа пісьменнік. — Раман называецца "Мова", ягонае дзеянне адбываецца ў будучыні, у Мінску, у той час, калі ніякай Беларусі ўжо няма. Гэта не смешны раман. Калі мая папярэдняя кніга "Сфагнум" была нечым накшталт рамана-анекдота, то "Мова" будзе цалкам сур’ёзнай".

Новую кнігу, як і папярэднюю Віктар Марціновіч плануе выдаць на дзвюх мовах, але калі ў выпадку "Сфагнума" арыгінал быў расейскамоўны, то цяпер перакладчык працуе над расейскай версіяй "Мовы".

"Я бачыў пераклад, ён атрымліваецца выдатна, хаця тут перакладаць надзвычай складанна, — расказвае Марціновіч. — Рэч у тым, што беларуская мова — гэта асноўны персанаж рамана, там хапае і іншых цікавых асобаў, аднак мова найважнейшая".

Віктар Марціновіч напісаў "баявік пра беларускую мову"Выхад рамана папярэдне плануецца на верасень, вокладка з выявай карціны Язэпа Драздовіча, якая з’явілася ў інтэрнэце, гэта пакуль фантазія дызайнера сайта 34mag.net, аднак, па словах спадара Віктара, вельмі ўдалая.

"Цікава, што стваральнік гэтай вокладкі рамана не бачыў, аднак вельмі трапна ўхапіў аўтарскую задуму. — кажа Марціновіч. — Гэта кніга мікс жанравай і інтэлектуальнай прозы. Атрымаўся такі сабе баявік на тэму мовы. У беларускай літаратуры так склалася, што мы, пісьменнікі, імкнемся запоўніць вольныя прасторы літаратуры. Няма ў нас гарадскога рамана — пішам гарадскі раман. Няма смешнай крымінальнай кнігі — я сядаю і пішу яе. Аднак "Мова" гэта тое, чаго я не бачыў нідзе. Я вельмі шмат чытаю, і нідзе не сустракаў такога, каб канкрэтная мова была галоўным персанажам кнігі. Я вельмі спадзяюся пры дапамозе гэтага рамана прывабіць да беларускага свету нават тых, каму ён абыякавы, ці тых, хто пра яго ніколі не чуў".

Новости по теме

Новости других СМИ

Дорогие читатели, в дискуссиях на нашем сайте все чаще стали проявляться нарушения правил комментирования. Троллинг, флуд и провокации затопили вдумчивые и остроумные высказывания. Не имея ресурсов на усиление модерации и учитывая нюансы белорусского законодательства, мы решили без предупреждения отключить комментирование. Но присоединяйтесь к обсуждениям в наших сообществах в соцсетях! Мы есть на Facebook, «ВКонтакте» и Twitter