Пакаралі за перамогу над Лукашэнкам?

"Еўрарадыё"

Хакейная зборная Гомельскай вобласці пад кіраўніцтвам Яўгена Лебедзева выйграла ў каманды, за якую гуляў кіраўнік дзяржавы. Ужо на наступны дзень спецыяліст застаўся без працы.

У панядзелак стала вядома, што назіральны савет жлобінскага хакейнага клуба "Металург" датэрмінова разарваў кантракт з галоўным трэнерам каманды 49-гадовым Яўгенам Лебедзевым. Прычыны такога нечаканага рашэння не каментуюцца, але вядома, што да канца месяца ў "Металурга" з'явіцца новы настаўнік.

Яўген Лебедзеў паабяцаў пракаментаваць сітуацыю пасля таго, як пабачыць дакумент з матывіроўкай звальнення. Задача на сезон была выкананая — "Металург" заваяваў бронзавыя медалі чэмпіянату Беларусі. Да таго ж, Лебедзеў ачольваў каманду ад моманту яе стварэння ў 2006 годзе.

Адзначым, што напярэдадні свайго звальнення Яўген Лебедзеў прывёў да перамогі Другіх рэспубліканскіх спаборніцтваў па хакею сярод аматарскіх камандаў на прызы Прэзідэнцкага спартыўнага клуба зборную Гомельскай вобласці. У рашаючым матчы каманда, якой кіраваў Лебедзеў, нечакана для многіх перамагла дружыну прэзідэнта Беларусі, за якую выступаў сам Аляксандр Лукашэнка — 9:8. Дагэтуль перамагчы прэзідэнцкую каманду не баялася хіба толькі зборная "Газпрама"...

Зборная Гомельскай вобласці, дарэчы, была ўмацаваная гульцамі "Гомеля" і "Металурга". І гэта ў той час, як каманда Лукашэнкі была "аслабленая" праз адсутнасць Міхаіла Захарава, які не гуляў з-за траўмы, і Уладзіміра Цыплакова, што паехаў на таварыскія матчы зборнай Беларусі ў Францыю.

Вядома, магчыма, адбыўся збег абставін і мінская перамога не мае дачынення да звальнення Яўгена Лебедзева. Нельга выключыць і таго, што назіральны савет "Металурга" проста "перастрахаваўся", засцерагаючыся "разбораў палётаў". Як бы там ні было, але застаецца надзея, што хакейны спецыяліст усё ж распавядзе СМІ пра матывіроўку, якую цяпер, верагодна, прыдумляюць у Жлобіне.

поделиться

Новости по теме

    Лебедзеў застаецца

    Яўген Лебедзеў, галоўны трэнер хакейнага клуба "Металург" (Жлобін), насуперак інфармацыі пра звальненне, застаецца на сваёй пасадзе. Прэтэнзіі, выказаныя клубам, ён назваў небыліцамі.подробности

Новости других СМИ

Комментарии временно отключены в связи с обострением общественно-политической ситуации в Беларуси. Мера направлена на предотвращение провокаций — во избежание нарушения наших правил комментирования. Мы планируем вернуть возможность комментирования после урегулирования ситуации в стране.

Дорогие читатели, приносим свои извинения за неудобства! Вы по-прежнему можете вести дискуссии на страницах UDF.BY в соцсетях. Подписывайтесь на нас в Facebook, «ВКонтакте» и Twitter!