Зміцер Жалезнічэнка атрымаў кароткатэрміновы водпуск

pbnf.org

Сябра Партыі БНФ Зміцер Жалезнічэнка, былы студэнт-выдатнік Гомельскага дзяржаўнага ўніверсітэта імя Ф. Скарыны, двойчы адлічаны з навучальнай установы і прызваны на службу ў транспартныя войскі ў Жлобіне, атрымаў кароткатэрміновы водпуск.

Пра гэта паведаміла маці салдата Ала Жалезнічэнка. Сын павінен прыехаць на пабыўку ў бліжэйшыя дні. Дома ён правядзе 10 сутак.

Зміцер наважаны не толькі адпачыць, але й забраць з Гомельскага ўніверсітэта дакументы, каб мець магчымасць паступіць улетку ў вышэйшую навучальную ўстанову, якая, як ён кажа, не запляміла сябе палітычнымі адлічэннямі:

"Хацелася б аднавіцца ў беларускіх ВНУ, якія сябе не заплямілі палітычнымі адлічэннямі. Паспрабую здаць патрэбнае сумоўе й аднавіцца на трэці курс".

Тэрмін службы салдата Жалезнічэнкі заканчваецца сёлета 25 чэрвеня.

Новости по теме

    Зміцер Жалезнічэнка дзембельнуўся

    Зміцер Жалезнічэнка дэмабілізаваны. З войска ён павінен быў выйсці толькі 25 ліпеня, але кіраўніцтва жлобінскай вайсковай часткі адпусціла яго на два дні раней, каб прадухіліць сустрэчу на КПП Змітра журналістамі, сябрамі, сваякамі.подробности

Новости других СМИ